Акци рауади егъау. Архайдта дзы 250 сывæллонæй фылдæр, 7 азæй 15 азы онг кæуыл цæуы, ахæмтæ.
РЦИ-А физкультурæ æмæ спорты министр Гæбулты Владимир, реабилитацион центр «Тæмисчъы» сæ фæллад цы рæзгæ фæлтæр уадзы, уыдонæн скодта дæсныйадæвдисæг ахуыртæ.
Акци рауади егъау. Архайдта дзы 250 сывæллонæй фылдæр, 7 азæй 15 азы онг кæуыл цæуы, ахæмтæ. Министр семæ скодта зарядкæ, æмæ сын радзырдта, æнæниз цардыуаг адæймагæн куыд ахсджиаг у, уый. Уый фæстæ, Гæбулты Владимирмæ сывæллæттæ лæвæрдтой фæрстытæ. Базонын сæ фæндыди, йæ хæрз æфсымæр кæй хыгъды уыди, уыцы командæйы ныхмæ хъазгæйæ йæ зæрдæйы цавæр æнкъарæнтæ уыди, æппæтæй зындæр æм цавæр матч фæкасти, æмæ афтæ дарддæр. Уæрæсейы национ иугонд командæйы уæнг сын радта йæ къухфыстытæ дæр. Акцийы кæронбæттæн рæзгæ фæлтæрæн балæвар кодта спортивон кусæнгæрзтæ. Ахæм фембæлдтытæ фæсивæды ргом здахынц спортмæ. Гæнæн ис, æмæ сæ дæсныйадæвдисæг ахуырты фæстæ искæйы бафæнддзæн профессионалон спортсмен суæвын. Министр куыд загъта, афтæмæй йæхицæн дæр ацы фембæлд уыди тынг æхсызгон. Уæвгæ та, зындгонд спортсменты дæсныйадæвдисæг ахуыртæ арæзт æрцæудзысты республикæйы æндæр лагерьты дæр. Сæ саразыны хæс йæхимæ райстой физкультурæ æмæ спорты министрад æмæ фæсивæдон парламент.
