филиал вгтрк государственная телерадиовещательная компания “Алания”

08:25 воскресенье, 27 июля 2025
07 июля 2025, 12:46
РЦИ-А ирвæзынгæнджытæ бакуыстой транспортыл æнæнхъæлæджы уавæрты фæстиуджытæ иуварс кæныны мадзæлттыл

Æрхъуыдыгонд цаумæ гæсгæ, æнæнхъæлæджы уавæрты министрады специалистты хъуыди дыууæ горæты уыцы-иу рæстæг фæндаггон фыдбылызы  чи бахауди, уыдонæн баххуыс кæнын

РЦИ-А ирвæзынгæнджытæ бакуыстой транспортыл æнæнхъæлæджы уавæрты фæстиуджытæ иуварс кæныны мадзæлттыл. Æрхъуыдыгонд цаумæ гæсгæ, æнæнхъæлæджы уавæрты министрады специалистты хъуыди дыууæ горæты уыцы-иу рæстæг фæндаггон фыдбылызы  чи бахауди, уыдонæн баххуыс кæнын, стæй Беслæны æфсæнвæндаджы цы стыр зынгсирвæзт æрцыди, уый ахуыссын кæнын. Æрыдоны æмæ Мæздæджы бакуыстой фæндаггон фыдбылыз куы æрцæуа, уæд æвæстиаты æххуыс бакæныны мадзæлттыл. Уавæр æппæтæй уæззаудæр уыди, ахуыртæн Беслæны цы цау æрхъуыды кодтой, уый. Ам ахуыртæм гæсгæ ссыгъди æфсæнвæндагыл артаг чи ласта, ахæм поезд.  Ахуырты чи архайдта, уыцы ирвæзынгæнджытæ сæ размæ вæрд хæстæ сæххæст кодтой æнтыстджынæй. Равдыстой иттæг хорз цæттæдзинад, профессионализм æмæ æнæнхъæлæджы уавæрты рæстæг командæйæ кусын. Ахæм уавæрты рæстæг ахсджиаг у æвæстиатæй раст уынаффæ рахæссын, цæмæй фыдбылызы бахауджытæн баххуыс кæной æвæстиатæй.

vgtrk_alania
vgtrk_alania
vgtrk_alania
vgtrk_alania