филиал вгтрк государственная телерадиовещательная компания “Алания”

Цæгат Ирыстоны сæргълæууæджы номæй кады гæххæттæй схорзæхгонд æрцыд Архонкæйы цæрæг Василий Мирошниченко. Куыд ма уын æй хъусын кодтам, афтæмæй Василийы æрхъуыдыйы фæрцы Белоруссийы горæт Слуцкы байгом кодтой цыртдзæвæн Советон Цæдисы дыууæ хатты хъæбатыр Плиты Иссæйæн.

Иссæ  разамынд лæвæрдта белорусаг горæт немыцаг фашисттæй суæгъд кæныны æфсæдтæн. Нæ зындгонд æмзæххон Плиты Иссæйы ном радтой Слуцкы уынгтæй иуæн дæр. Активистæн хæрзиуæг комкоммæ радтын  къухы нæ бафтыд, уымæн æмæ ныртæккæ ис Белоруссийы. Цæгат Ирыстоны Нациты хсæн ахастдзинæдты фарстаты фæдыл министрады минæвæрттæ кады гæххæтт радтой йæ бинонтæн.