Æмбырды архайдтой Парламенты сæрдар Тускъаты Таймураз, Хицауады сæрдар Дзанайты Барис, æххæстгæнæн хицаудзинады оргæнтæ, тыхы
РЦИ-А Сæргълæууæг Сергей Меняйлойы разамындæй ацыд оперативон штабы æбырд. Баст уыди хæцæнгарзы æнæзакъон зилдухы, агуырды чи ис, ахæм адæмы, æфсæддон объектты, ахсджиаг инфраструктурæ æмæ æнæпилотон тæхæн аппараттæ кæм æрхаудтой, ахæм бынæтты хуызистытæ æмæ видеокамерæмæ исын ма уадзыны фарстатимæ. Æмбырды архайдтой Парламенты сæрдар Тускъаты Таймураз, Хицауады сæрдар Дзанайты Барис, æххæстгæнæн хицаудзинады оргæнтæ, тыхы, барадхъахъхъæнæг æмæ цæстдарæг структурæты минæвæрттæ æмæ Цæгат Ирыстоны муниципалон скондты сæргълæуджытæ. Куыд фæбæрæг кодтой, афтæмæй республикæйы оперативон штабмæ дарддæр цæуы УФ-йы гæрзифтонг тыхты æфсæддонты æмæ сæ бинонты цардæн тæссаг мадзæлтты тыххæй информаци. Уымæ гæсгæ, оперативон штабы рахастой уынаффæ, регионы территорийы рæстæгмæ, бирæ адæм кæм æмбырд кæны, ахæм мадзæлттæ бауромын. Уымæй уæлдай, фæкарздæр кæндзысты транзитон машинæтæм æмæ сæ шофыртæм æркаст.
