Æппæт æмвæзадты бюджеттæм хæсой æфтиаг, стæй хъуамæ пайда кæной хæрзхъæддзинады æмæ технологиты ног стандарттæй
РЦИ-А цы инвестицион проекттæ æххæстгонд цæуынц, уыдон хъуамæ фыццаджыдæр радтой ног куысты бынæттæ, æппæт æмвæзадты бюджеттæм хæсой æфтиаг, стæй хъуамæ пайда кæной хæрзхъæддзинады æмæ технологиты ног стандарттæй.
Ахæм хæс видеоконференцийы рæстæг радта хицауады сæрдар Тускъаты Таймураз. Архайдтой дзы æххæстгæнæг хицаудзинады оргæнтæ, администрациты сæргълæуджытæ, æмæ инвестицион проектты разамонджытæ. Боны фæткмæ рахастой дыууæ проекты – уый Куырттаты комы фысымуатимæ туристон комплекс æмæ Алагиры районы дыргъдонæн бындур сæвæрын, стæй дыргътæ кæм дардзысты, ахæм бынаты арæзтад. Дыууæ проекты дæр хаст æрцыдысты 2030-æм азмæ республикæйы райрæзты социалон-экономикон стратегимæ. 2017-æм азы райдыдта, 50 номеры кæм уыдзæни, ахæм туристы комплексы арæзтад. Кусдзæн афæдзы дæргъы. Хаст æм æрцыди 470 милуанæй фылдæр. Паддзахадон æххуыс дзы уыди 200 милуан сомы.
Хъуыддаг зæрдæйы фæндон куы ацæуа, уæд афæдзмæ комплекс исдзæн 37 мин туристмæ хæстæг. Уыимæ дзы уыдзæни 110 кусæн бынаты. Алагиры районы куысты бынæтты фарста у ахсджиаг. Видеобастдзинады уылты ныхас цыди, 122 гектары чи ахсдзæн, ахæм дыргъдæттæн бындур сæвæрыны фарстайыл. Ацы аз ма хи фæрæзтæй, арæзт æрцæудзæн, дыргътæ кæм дардзысты, ахæм бынат, цæудзæни дзы 2 мины 5 сæдæ кг онг. Уыимæ фæнд кæнынц алагираг зындгонд кæрдо фæстæмæ рапарахат кæнын. Хæрдзты уыдзысты 469 милуан сомы. Уыдзæни дзы 48 куысты бынаты. Сезоны та дзы иу уыдзæни зынгæ фылдæр. Нысантæм гæсгæ хъуамæ кусын райдайа 2023-æм азы.
