Кадджын уавæры йын презентаци скодтой Национ наукон библиотекæйы
«Ирыстоны драматургийы антологи». Абарæн кæмæн нæй, ахæм мыхуыры фæрæз рухс федта ацы бонты. Кадджын уавæры йын презентаци скодтой Национ наукон библиотекæйы. Ахæм драмон уацмысты æмбырдгонд мыхуыры рацыд фыццаг хатт. Хаст æм æрцыдысты национ литературæйы классикты пьесæтæ. Æдæппæтæй аивадон уацмысты 500 сыфæй фылдæр. Архивон æрмæджытæ æмбырд кæнынæн баххуыс кодта Цæгат Ирыстоны гуманитарон æмæ социалон иртæстыты институты экспертон совет. Редакторты коллегийы хъуыдымæ гæсгæ, чиныджы сæйраг хæзна у – ирыстойнаг литературæйы æнусон театралон традицитæ хъахъхъæнын. Уæлдай цымыдисдзинад æмбырдгонд сæвзæрын кодта Цæгат Ирыстоны лигвисттæм, филологтæм æмæ сфæлдыстадон интеллигенцийы минæвæрттæм.
Проекты автор Аида Харкиладзейы хъæппæрис афæдзы размæ хорзыл банымадта республикæйы театралон архайджыты цæдис. Чиныджы тираж у 1000 экземпляры. Мыхуыры рацыд Президенты гранты фæрæзтæй. Драматургийы антологи балæвар кæндзысты библиотекæтæн, театртæн, ахуыргæнæндæттæн æмæ æхсæнадон организацитæн.
