«Вода – необычное в привычном». Чиныг саразыныл бакуыста сывæллæтты рауагъдад «ДЕТГИЗ»-ы сфæлдыстадон къорд. Æхца та йын радта «РусГидро».
Проект царды рацыд хæрзаудæн куыст кæныны программæ æххæст кæнгæйæ. Презентаци уыди Дзæуджыхъæуы Чыныджы хæдзары. Хуынд æм æрцыдысты сывæллæтты хæдзар «Виктория»-йы хъомылгæнинæгтæ, физикон-математикон лицейы æмæ 24-æм скъолайы ахуырдзаутæ. Се ппæтæн дæр балæвар кодтой чингуытæ. Тиражы иу хай арвитдзысты Санкт-Петербургмæ. Фыццаг 100 экземпляры райстой Нижный Новгороды æмæ Кировы облæсты сидзæр сывæллæтты хæдзæртты хъомылгæнинæгтæ. Октябры кæрон та Санкт-Петербурджы сывæллæтты библиотекæйы чингуытæ байуæрстой скъоладзаутæн.
Тохсырты Вадим, «РусГидро»-йы цæгатирыстойнаг филиалы æхсæнадимæ бастдзинады хайады хицау: «Махмæ гæсгæ уыцы чиныг хъуамæ æххуыс уа нæ кæстæр хæлæрттæн. Фидæны цæмæй дæсныйад æвзаргæйæ инженеры дæсныйадмæ се `ргом здахой, уый тыххæй».
