16 июля 2024, 12:09
РусГидройы цæгатирыстойнаг филиалы гидроэнергетиктæ схызтысты Тбауы хохы цъуппмæ
Мадзалы архайджытæ бæрзæнды сæвæрдтой рæстæджы капсулæ фидæны гидроэнергетиктæн
Джызæлдоны ГЭС-ы 90 азы кадæн. РусГидройы цæгатирыстойнаг филиалы гидроэнергетиктæ схызтысты Тбауы хохы цъуппмæ 2050 метры бæрзæндмæ. Ацы хох хуымæтæджы нæ равзæрстой. Йæ бæрзæндæй зыны Джызæлдоны дæлвæз, станцæ ис хохы рæбын. Мадзалы архайджытæ бæрзæнды сæвæрдтой рæстæджы капсулæ фидæны гидроэнергетиктæн. Хъуамæ йæ байгом кæной 50 азы фæстæ, 2074-æм азы. Бæрзæндмæ фæндаг æнцон нæ разынд – энергетикты бахъуыд цæуын бæзджын хъæды æмæ дурджын бынаты уылты, алыхуызон цæлхдурты сæрты ахизын. Ацы мадзал сæххæст кæныны хъæппæрис разынд филиалы директор Тотраты Виталимæ.
темæмæ гæсгæ
