18 апреля 2018, 18:20
Сæрбæрзонддзинады дæнцæгтæ
Мæздæджы Фыдыбæстæйы Стыр хæсты архайæг, дард авиацийы тæхæг Захар Тигеевы ном хæссæг скъола-интернаты иу отрядæн кадджын уавæры лæвæрд æрцыд Уæрæсейы Хъæбатыр Роман Филиповы ном.
Сæрбæрзонддзинады дæнцæгтæ.
Мæздæджы Фыдыбæстæйы Стыр хæсты архайæг, дард авиацийы тæхæг Захар Тигеевы ном хæссæг скъола-интернаты иу отрядæн кадджын уавæры лæвæрд æрцыд Уæрæсейы Хъæбатыр Роман Филиповы ном. Ацы аз 3-æм февралы 34-аздзыд Роман фæмард Сирийы. Йæ хъабатырдзинад баззад видеопленкæйыл фыст. Йæ фæстаг ныхæстæ «Это вам за пацанов» ныры онг базыдтой æнæхъæн дунейы. Æмæ систы нæ бæстæйы æфсæддоны лæгдзинад æмæ хъæбатырдзинад æвдисæг. Роман схъомыл Воронежы, æфсæддон тæхæджы бинонты. Хорз ахуыр кодта, уарзта спорт. Фæлæ йæ бæллиц уыд – æфсаддон суæвын. Ахуыр кæнынмæ бацыд тæхджыты училищæмæ. Уырдыгæй Уæрæсейы авиацион къордимæ ацыд Сиримæ. Мæздæджы скъолайы мадзалмæ бацæттæ кодтой Роман Филиповыл ист æрмæджытæ. Дыккæгæм къласы ахуырдзаутæн та балæвар кодтой хъæбатыр æфсæддоны тыххæй хуызистыты æмæ документты альбом.
темæмæ гæсгæ
