Фæлæ официалон ведомствæты куыд зæгъынц, афтæмæй сæм хъыгдард чи баййæфта, æмæ æбæрæгæй чи фесæфт, уыдоны тыххæй нырма ницы хъусынгæнинаг и. Бæлвырд у иу хъуыддаг,
Специалистты рагагъоммæйы бæрæггæнæнтæм гæсгæ, Гуырдзыстонмæ фæндаг æхгæд уыдзæн нырма 2 мæйы бæрц. Шофыртæн радтой сæрмагонд гæххæттытæ. Уыдонмæ гæсгæ сæ бон уыдзæн Уæрæсейы арæнтæй æндæр таможняйы пунктыл ахизын.
Артур Чуйкойæн ацы цалдæр бонмæ йæ машинæ сси йæ хæдзары хуызæн. 4 боны размæ хъуамæ Минскæй Тбилисимæ товар бахæццæ кодтаид. Фæлæ ма ныридæгæн дæр ис Дзæуджыхъæуы. Лæппуйæн ацы рейс фыццаг уыдис. Куыд зæгъы, афтæмæй фыдбылызы бахауынмæ йæ бирæ нал хъуыд.
Андрей Чуйко, шофыр: «Хорз æмæ уадзæн пункт æхсæвы сæхгæдтой. Æз хъуамæ дыккаг уыдаин. Фæлæ цыдæр къуылымпыдзинæдтæ сæвзæрд. Уый куы нæ уыдаид, уæд гæнæн уыдис æмæ зæйы бын фæуыдаин».
Специалистты ныхæстæм гæсгæ, ныртæккæ уавæр зæрдæхсаинаг нæу. Синоптиктæ æмбарын кæнынц, кæд къæвдатæ сарæх сты, уæддæр ахæм боныахасты тыххæй зæйæн дыккаг хатт рацæуынæй тæссаг нæу. Æрдзон фыдбылызы фæстиуджытæ нырма не сбæлвырд сты. Ис информаци, зæгъгæ, Цæгат Ирыстоны 2 цæрæджы фесты зæйы бын. Фæлæ официалон ведомствæты куыд зæгъынц, афтæмæй сæм, хъыгдард чи баййæфта, æмæ æбæрæгæй чи фесæфт, уыдоны тыххæй информаци нæй.
Зæнгионты Виталий, РЦИ-Аланийы Хицауады сæрдары хæдивæг: «Зæгъынц нын, кæй æрцыд фыдбылызтæ. Фæлæ цавæр адæм, кæм сты, уый бæрæг нæма у. ныртæккæ ууыл куыст цæуы. Гуырдзыйы æнæнхъæлæджы уавæрты министрад архайы уыцы хабæрттыл. Махмæ дæр фæдзырдтой. Мах дæр баххуыс кодтам, арвыстам артаг. Нæ хæдтæхджытæ батахтысты, федтой цы уавры ис фыдбылыз».
Ныртæккæ Гуырдзыстонимæ цæуы ныхас, цæмæй Уæрæсейы минæвæрттæн радтой аварион-агурæн куыстыты архайыны бар.
Хъайтмазты Дзерассæ
