филиал вгтрк государственная телерадиовещательная компания “Алания”

Сабырдзинады проспекты райдыдта рацарæзты дыккаг къæпхæн. Куыстытæ цæуынц Горькийы уынгæй Дзанайы-фырты уынджы онг. Райдыдтой уал асфальты уæлцъар исын, уый фæстæ та фехалдзысты бетон æмæ бавналдзысты инженерон коммуникацитæм. Контрактмæ гæсгæ рацарæзт хъуамæ фæуа ацы азы ноябры онг. Дзæуджыхъæуы администрацийы куысджытæ адæмæй курынц, цæмæй рæстæгмæйы къуылымпыдзинæдтæм æмбаргæ цæстæй ракæсой. Уæ зæрдыл уын лæууын кæнæм, фарон базылдысты, проспекты астæу цы аллейæ ис, уымæ, стæй йæ галиу фарсмæ – Сæрибары фæзæй Горькийы уынджы онг. Баивтой æппæт коммуникацитæ, трамвайы æфсæнвæндаг, сæвæрдтой дзы гранитæй конд плита æмæ доломит. Фæзуаты астау скуыста фонтан.