филиал вгтрк государственная телерадиовещательная компания “Алания”

Сæ профессионалон бæрæгбоны фæдыл арфæтæ райстой социалон кусджытæ. Раарфæ сын кодта Сергей Меняйло. Ныртæккæ нæ республикæйы ацы къабазы кусы 3 мин адæймагæй фылдæр. Уыдонæй 800 специалисты фæкæсынхъуаг адæмы бабæрæг кæнынц сæ хæдзæртты. Хуыздæр социалон кусджыты схорзæхджын кодтой Евгений Вахтанговы номыл Уырыссаг академион театры. Зæрдиаг арфæтæ сын ракодта Цæгат Ирыстоны Сæргълæууæджы хæстæ рæстæгмæ æххæстгæнæг. Сергей Меняйло куыд загъта, афтæмæй службæйы кусджытæ сты хæлар æмæ фæлмæн зæрдæйы хицæуттæ. Уыдоны кадæн арæзт æрцыд концерт. Уæлдай кады аккаг сты службæйы ветерантæ. Структурæйы æрцыд бирæ ивддзинæдтæ, фæлæ æнæивгæ у иу хъуыддаг – адæмуарзондзинад.