29 апреля 2026, 10:40
Сæ профессионалон бæрæгбоны фæдыл арфæтæ ракодтой тагъд медицинон æххуысы станцæйы кусджытæн
Кады гæххæттытæй схорзæхджын кодтой 15 адæймаджы.
Парти «Иугонд Уæрæсе»-йы æхсæнадон æххуысы штабы сæ профессионалон бæрæгбоны фæдыл арфæтæ ракодтой тагъд медицинон æххуысы станцæйы кусджытæн. Кады гæххæттытæй схорзæхджын кодтой 15 адæймаджы. Радта сын сæ республикæйы Парламенты депутат, партион проект «Æнæниз фидæн»-ы координатор Реуазты Ларисæ. Куыд загъта, афтæмæй тагъд æххусы станцæйы кусджытыл ахсджиаг хæс æвæрд ис. Йæхæдæг дæр студенткæ уæвгæйæ, куыста тагъд медицинон æххуысы станцæйы. Медиктæ сæ профессионалон миниуджыты æмæ хиуыл нæ ауæрдындзинады фæрцы, зæгъæн ис, æмæ алы бон ирвæзын кæнынц адæмы цард. «Иугонд Уæрæсе»-йы адæмон программæ æххæст кæнгæйæ, стæр æргом здæхт цæуы æнæниздзинадхъахъхъæнынады къабазы рæзтмæ.
