Нæ программæйы хъайтар – Туаты Артур, бархионæй ацыд фронтмæ
Нæ программæйы уæ дарддæр зонгæ кæнæм, сæрмагонд æфсæддон операцийы зонæйы Фыдыбæстæ чи хъахъхъæны, уыцы хъæбатыртимæ. Нæ программæйы хъайтар – Туаты Артур. Бархионæй ацыд фронтмæ. Артур, куыд йæ хистæртæ, афтæ у фæлтæрдджын æфсæддон. Хæссы Алайнаг хъазахъхъаг æфсады дæлбулкъоны цин. Цæфты фæстæ сси Сæрмагонд æфсæддон операцийы ветеранты Ассоциацийы сæрдары хæдивæг. Хорæзхджынгонд æрцыд паддзахадон хæрзиуджытæй. Йемæ фембæлд нæ уацхæссæг Чехойты Фатимæ.
Куысты фæстæ Сæрмагонд æфсæддон операцийы ветеран Туаты Артур фæтагъд кæны йæ хæдзармæ. Уым æм фенхъæлмæ кæсынц йæ фырттæ Руслан, Макарий æмæ Арсений æмæ йæ бинойнаг Верæ. Уыдон тынг æнувыд сты хæдзары хицауыл. Сæ уарзон ахаст æмæ хорз зылды руаджы Артур йæ цæфты æмæ цыппæрæм контузийы фæстæ тагъддæр слæууыд йæ къæхтыл. Хæсты уæвгæйæ куыд хъахъхъæдта йæ бæрны цы салдæттæ уыд уыдоны, афтæ сыл ныр дæр нæ сивта йæ зæрдæ. Йæ хæстон æмгæртты иу уысм дæр нæ рох кæны.
Туаты Артур – райгуырæн зæхх хъахъхъæнæг хæдзары фыццаг фæлтæрæй нæу. Йæ фыд Руслан, йæ фыды фыд Кирилл æмæ уый фыд алы заманты хъахъхъæдтой Фыдыбæстæ: паддзахы рæстæг – хъæддаг дивизийы, фæстæдæр та Сырх æфсады æмæ советон милицæйы рæнхъыты. Уыдоны патриотизмæн ис бынат Артуры зæрдæйы дæр, æмæ уый бархийæ ацыд сæрмагонд æфсæддон операцимæ.
Туаты Артурæн хъысмæт æнцон фæндаг нæ равзæрста – снывонд ын кодта æфсæддон суæвын. 90-æм азты сси Уæрæсейы æмæ фæсарæнты хъазахъхъæгты-хæстонты Цæдисы уæнг. Ныр у Алайнаг хъазахъхъаг æфсады булкъон, хицæн хайады хицау. Сæрмагонд æфсæддон операцийы ветеранты Ассоциацийы та у йæ сæрдары хæдивæг. Кусы ууыл, цæмæй æфсæддонтæ афойнадыл райсой юридикон æмæ медицинон æххуыс, архайы лыг кæныныл уыдонæн сæ социалон фарстатæ дæр.
Артур йæ хæстон æнтыстдзинæдтты тыххæй цы майдантæй хорзæхджын æрцыд, уыдон дзурæг сты йæ хъæбатырдзинадыл. Сæрмагонд æфсæддон операцийы ветерантæн æмæ сæ бинонтæн алывæрсыг æххуыс кæны Паддзахад. Туатæ йæ банкъардтой сæхиуыл, сæ астæуккаг фырт Макарий сæрды лагерь «Орленок»- мæ æрвыст куы *рцыд, уæд. Алы изæр дæр бинонтæ æрæмбырд вæййынц стъолы уæлхъус, фæныхæстæ кæнынц, фæхудынц.
Ахæм æнгом æмæ хъæлдзæг хиуæтты *хсæн æнæниздзинад тагъддæр фидар кæны. Адæймагмæ цæуы цæрын, æмæ зæрдиагæй архайын Райгуырæн зæххы сæрвæлтау.
