Хъæбатыры ном æрхъуыды кæнынмæ æрбацыдысты йæ хæстæджытæ, æмбæлттæ, æмслужбæгæнджытæ æмæ йæ хъæуккæгтæ
Сæрманогд æфсæддон операцийы архайæг Гæздæнты Аланæн йæ хæдзары къулыл байгом кодтой зæрдылдарæн фæйнæг. Хъæбатыры ном æрхъуыды кæнынмæ æрбацыдысты йæ хæстæджытæ, æмбæлттæ, æмслужбæгæнджытæ æмæ йæ хъæуккæгтæ. Æвзонг офицер фарон, декабры фæмард æфсæддон операцийы архайгæйæ. Цыдис ыл æрмæстдæр 31 аз. Дзуарыхъæуыккаг лæппу сси хъæбатырдзинады дæнцæг. Зæрдылдарæн фæйнæг ын бакодтой йæ райгуырæн бон. Бæлвырддæр хабæрттæ радзурдзæн Тъехты Элинæ.
Майоры ном сæнусон кæнын. Гæздæнты Аланæн зæрдылдарæн фæйнæг байгом кодтой, цы скъолайы ахуыр кодта, уый къулыл. Ацы ран Аланы хъуыды кæндзысты æмæ йын йе сгуыхтдзинæдты тыххæй дзурдзысты рæзгæ фæлтæрæн.
Аланы йæ сабибонтæй фæстæмæ фæндыд æфсæддон суæвын. 2008-æм азы каст фæци скъола, æмæ сси Санкт – Петербурджы æфсæддон институты курсант. 2023-æм азæй 2017-æм азмæ уыд минометон бæтæрейы взводы командæгæнæг. 2021-æм азы та сси национ гвардийы æфсæддонты цæттæдзинады офицæр Цæгат Кавказы федералон зылды хайады. Уæдæ архайдта сæрмагонд æфсæддон операцийы дæр. Йæ хъæбатырдзинады тыххæй йæ схорзæхджын кодтой Жуковы номыл майданæй йæ мæлæты фæстæ.
Зæрдылдарæн фæйнæг байгом кодтой Аланæн йæ хæдзары къулыл дæр. Æфсæддоны хиуæттимæ – йе мбæлттæ, сыхæгтæ, ахуыргæнджытæ, æмслужбæгæнджытæ, стæй Алагиры районы разамынд.
Зæххыл æнæмæлæт ницы ис. Æнæмæлæт æрмæстдæр у хъæбатыры ном. Истори хъахъхъæны, йæ Райгуырæн бæстæ цы хъайтартæ хъахъхъæдтой, уыдоны нæмттæ.
