Абон дæр лæууы республикон газет «Дигорæ»-йы сæргъы
Кадджын хистæр, æвзагзонынады дæсны, адæмы фарнæй хайджын адæймаг Сакъиты Эльбрус абон бæрæг кæны йе 75 азы юбилей. Эльбрусы сабибонтæ кæд хæсты фæстæ уæззау рæстæгмæ æрхауыдысты, уæддæр ын бантыст ахуыры фæндагыл ацæуын, æмæ æвзагзонынады дæсны суæвын. Ростовы Паддзахадон университы уæлдæр ахуырад райсыны фæстæ æрбаздæхт Ирыстонмæ. Райдыдта кусын Æрæфы районы газеты æмæ уæдæй фæстæмæ иу бон дæр æгуыст нæ уыд. Бирæ уацтæ æмæ æрмæджытæ рацыд йæ сисы бынæй. Уыимæ дзæвгар рæстæг та фæкуыста Паддзахадон Телерадикомпани «Алани»-йы радиойы службæйы. Абон дæр лæууы республикон газет «Дигорæ»-йы сæргъы. Цы рæстæг дзы кусы, уæдæй Дигорæ фæаивдæр, арæхдæр цæуын райдыдта, уыимæ фæфылдæр йæ коллектив. Гæздæнты æфсымæрты, стæй Æмбалты Цоцкойы номыл премиты лауреат, РЦИ-А культурæйы сгуыхт кусæг Сакъиты Эльбрус кусы мадæлон æвзаг, нæ фыдæлты истори бахъахъхъæныныл. У алы æмвæзады конкурсты уæлахиздзау.
![Соц Сети Соц Сети](https://alaniatv.ru/wp-content/uploads/2019/01/Alania_TG_1140x151.gif)