Уазджытæ ахуыр кодтой чъиритæ кæнын, базонгæ сты адæмы æгъдæуттæ æмæ кæфтытимæ
Санаторий «Сосновая роща»-йы Уæрæсейæ Цæгат Ирыстонмæ йæ фæллад уадзынмæ чи ссыд, уыдонæн арæзт æрцыд ирон культурæйы бæрæгбон. Уазджытæ ахуыр кодтой чъиритæ кæнын, базонгæ сты адæмы æгъдæуттæ æмæ кæфтытимæ. Ахæм мадзæлттæ систы традицион. Уæрæсейы алы рæттæй цы уазджытæ ссæуы, уыдонæн æххуыс сты Ирыстоны культурæ зæрдæмæ айсынæн. Бæлвырддæр радзурдзæн Чехойты Фатимæ.
Хыссæ æрхæйттæ кæнын, чъиритæ цæимæ уыдзысты, уый æрцæттæ кæнын, арæхстгай сæ æртъæпæн кæнын. Людмила Миронова хъуыды дæр никуы акодта, 70-аздзыдæй чъиритæ кæнын ахуыр кæндзæн, ууыл. Йæ ныхæстæм гæсгæ, сæ ныр сæ хæдзары дæр кæндзæн. Цæры Липецки облæсты. Ам сæ фæллад чи уадзы, уыдонимæ йæхи бафæлвæрдта ирон хæдзары *фсинæй.
Санаторийы йæ фæллад чи уадзы, уыдоны хъуыдымæ гæсгæ сын ис фадат Ирыстоны культурæ базонынæн, хæдзары хæрздæф æмæ арты хъарм банкъарын. Уыцы иу рæстæг сын сарæзтой цалдæр тематикон фæзы. Цалынмæ иутæ хыссæимæ архайдтой, уæдмæ иннæтæ зонгæ кодтой чындзæхсæвы рагон æгъдæуттимæ. Баиу сæ кодтой национ кæфтытæ, æппæты уæздандæртæн дæр сæ бон сæ бынæтты бадын нæ баци.
«Сосновая роща» – хуымæтæг фæллад уадзæн бынат нæу. Ам се *нæниздзинад фидар кæнынц æмæ реабилитаци ацæуынц адæм Уæрæсейы алы рæттæй. Се *хсæн – сæрмагонд æфсæддон операцийы архайджытæ сæ бинонтимæ. Сæ ныхæстæм гæсгæ, ахæм мадзæлттæ сты традицион.
Бæрæгбон сарæзтой Дзæуджыхъæуы боны кадæн. Мазæлттæ сты æнæниздзинад фидар кæныны хай, адæймаг удæнцой кæм банкъары, ахæм, зæгъынц, ам сæ фæллад чи уадзы, уыдон. Ацы бæрбæттимæ баст мысинæгтæ сæ, æнæмæнг, ногæй ссæуын кæндзысты Ирыстонмæ.
