Афтæ Хæххон металлургон институты æмæ хæххон металлургон техникумы æрдзхъахъæныны факультеты студенттæ, æдæппæтæй 100 адæймаджы сбæрæг кодтой «Доны бон».
Рацыдысты Дзуджыхъæуы зæронд доны станцæйы цур Терчы былгæрæттæ ныссыгъдæг кæнынмæ. Акци арæзт æрцыд æрдз хъахъхъæныны комитеты хъæппæрисæй. Ацы фæзуат хаттæй хатт цæуы сыгъдæггонд, фæлæ уайтагъд бырæтты бын фæвæййы. Адæмæй бирæтæ уарзынц ам сæ фæллад уадзын, фæлæ се ппæт сæ фæстæ не фснайынц. Абоны акцийы студенттæ æрæмбырд кодтой 100 голладжы бырон.
Æлборты Иван, Цæгат Кавакдзы хæххон-металлургон институты экологийы кафедрæйы сæргълæууæг: «Адон, алчидæр сæ уыцы фарста йæхæдæг куы нæ фена, йæхæдæг куы нæ бафиппайа куыд сыгъдæг кæнын хъæуы æрдз, уæд æй никуы бамбардзæн. Æмæ иумæйагæй куы нæ архайой, уæд æрдз сыгъдæг никуы уыдзæн, æмæ æз сидын, цæмæй алчидæр йæ фæстæ кæна сыгъдæг».
