Экспозици «Прогулка по Владикавказу» сæмбырд кодта нæ бæстæйы рагондæр аивадон скъолатæй иуы хуыздæр куыстытæ
Санкт-Петербурджы байгом Тауаситы Сослæнбеджы номыл сывæллæтты аивадон скъолайы хъомылгæнинæгты куыстыты равдыст. Экспозици «Прогулка по Владикавказу» сæмбырд кодта нæ бæстæйы рагондæр аивадон скъолатæй иуы хуыздæр куыстытæ. Аивадон равдыст кадджын уавæры байгом кæныны размæ æмгуыстады бадзырд бафыстой сывæллæтты аивадон скъола «Охтинский центр эстетического воспитания»-имæ. Дзæуджыхъæуккаг æвзонг нывгæнджыты куыстыты æндæр равыст байгом Санк-Петербурджы сывæллæтты аивадон галерейы. Адæмы размæ рахастой экспозици «Давным-давно у Солнца были дети». Равдыст сбастой Нарты Кадджыты афæдзимæ æмæ йæ хъайтартимæ. Мадзал саразджытæ куыд зæгъынц, афтæмæй галерейы проекттæ «На Васильевском» ацы равдыст сси, Цæгат Кавказы республикæты педагогон практикæтæ кæм æвдисынц, уыдонæй фыццаг.
