Форумы куысты архайы Цæгат Ирыстоны делегаци дæр
Санкт-Петербурджы райдыдта æппæтадæмон эконмикон форум. Нымад у дунейы раззагдæр фæзыл амалхъом адæмæн, æмæ ацы аз сæмбырд кæндзæн 70 бæстæйы минæвæртты. Фарон пандемияйы аххосæй форум арæзт не рцыд. Уымæ гæсгæ форумы сæйраг девиз у «Снова вместе». Зæгъдзыстæм ма уый дæр, æмæ бæстæйы экономикæ пандемияйы уавæрты уыдзæн форумы сæйрагдæр темæ. Фыццаг хатт программæйы ис темæ – хосты æдасдзинад. Форумы куысты архайы Цæгат Ирыстоны делегаци дæр. Йæ сæргъы ис республикæйы сæргълæууæджы хæстæ рæстæгмæ æххæстгæнæг Сергей Меняйло. Экономикон мадзал æххæст кæнгæйæ, Росконгрессы Фондимæ æмæ Уæрæсейы субъектты экономикон æмархайды регионты хсæн ассоциаци «Сибирское соглашение»-имæ фыст æрцæудзысты æмгуыстады бадзырдтæ. Уымæй дарддæр республикæйы разамонæджы хæстæ æххæстгæнæг архайдзæн Паддзахадон советы æмæ Пленарон æмбырдты. Разамынд сын дæтдзæн нæ бæстæйы Президент Владимир Путин.
