Мадзал аразджытæ куыд зæгъынц, афтæмæй уый у егъау æмæ ахадгæ куысты райдиан
Сапицкийы фæлладуадзæн бынаты бындур æвæрд æрцыди адæмты хæлардзинады Аллейæйæн. Мадзал аразджытæ куыд зæгъынц, афтæмæй уый у егъау æмæ ахадгæ куысты райдиан. Парчы раст хæйттæ хæлттæ ппарыны фæрцы байуардзысты республикæйы национ æхсæнадтыл. Алкæцыйæн дæр дзы йæ бон у куыд æй фæнды, афтæ бакусын. Сæйрагдæр у, адæмы национ æууæлтæ, йæ традицитæ æмæ æгъдæуттæ йын равдисын. Фæлæ дзы ис бæлвырд домæнтæ дæр. Парчы авæрæн нæй ресторанты бизнесы бындурон арæзтæдтæ. Гæнæн дзы ис æрмæстдæр гыццыл базарадон бынæттæн. Республикæ йæхимæ исы парчы территорийы инженерон ифтонгдзинад. Уый тыххæй та мадзалы уазджытæн фехъусын кодта Цæгат Ирыстоны сæргълæууæджы æмæ хицауады администрацийы разамонæг Гобеты Ибрагим. Фембæлды архайдтой хицаудзинады оргæнты æмæ национ æхсæнадты минæвæрттæ.
