Сбæрæг сты Ирыстоны чысыл дельфиаг хъæзтыты уæлахиздзаутæ

25 ноября 2013, 11:34

Фæсивæды республикон галуаны арæзт æрцыд фестивалы гала-концерт. Равдыстой дзы сфæлдыстадон ерысы финалон туры хуыздæр номыртæ. Конкурсанттæн 1-аг къæпхæны дипломтæ радта фæсивæды хъуыддæгты, физкультурæ æмæ спорты министр Челæхсаты Рустем. Ансамбль «Дзæуджыхъæуы Алантæн» та лæвæрд æрцыд чысыл дельфиаг хъæзтыты сæрмагонд приз. Хъæзтытæ саразыны хъуыддаджы стыр æххуыс бакодта культурæйы æмæ дзыллон коммуникациты министрад дæр. Фортепиано, хъисын фæндыр, академион зарæг, адæмон кафт. Хъæзтыты архайджытæ сæ арæхстдзинад æвдыстой 23 номинацийы. Фестивалы республикон къæпхæны уæлахиздзаутæ бацæудзысты, Уæрæсейы дельфиаг хъæзтытæм Цæгат Ирыстонæй цы делегаци æрвыст æрцæудзæн, уый хыгъдмæ. Арæзт æрцæудзысты иннæ аз уалдзæджы, Волгограды.