Равзæрстой сæ экспертон къамисы æмбырды, æргом хъæлæс кæныны фæрцы
Сбæрæг сты, Хъæбæлоты Билары номыл Цæгат Ирыстоны Хицауады сæрмагонд паддзахадон стипендийы 10 лауреаты. Равзæрстой сæ экспертон къамисы æмбырды, æргом хъæлæс кæныны фæрцы. Æмбырд амыдта Хицауады сæрдары хæдивæг Тугъанаты Ларисæ. 9 лауреаты сты бæстæйы уæлдæр ахуыргæнæндæтты аспиранттæ æмæ студенттæ, профессионалон ахуыргæнæндæтты хсæн та равзæрстой 5-æм училищæйы ахуырдзауы. Ацы аз стипенди райсынмæ уыд 46 кандидаты паддзахадон ахуырадон организацитæй. Се *хсæн – ахуырадон фæсивæды хуыздæр минæвæрттæ. Уыдон сты фидæны дохтыртæ, ахуыргæнджытæ, инженертæ, агрономтæ, музыканттæ, ахуыргæндтæ. Экспертон къамисы хыгъды уыдысты Хицауады æмæ Парламенты уæнгтæ, наукон æмæ бизнес-æхсæнады минæвæрттæ. Иу ахуырадон азы дæргъы стипендиаттæн сæ сæйраг стипендимæ æрвылмæй бафтаудзысты дæсгай мин сомы. Фæрæзтæ дих кæндзысты республикон бюджетæй.
