Ныртæккæ ведомствæ аразы сæрмагонд мадзæлттæ æмæ бæрæг кæны, дохтыртæн разæнгардгæнæг фиддонтæ æмæ мызд куыд раст бафыстой, уый
Сергей Меняйло æмæ республикæйы финансон цæстдарды разамонæг Дзугкойты Алан дзырдтой, «Сырх зонæйы» чи кусы, уыцы медицинон кусджытæн сæ мызд куыд нымад цæуы, уый тыххæй. Ныртæккæ ведомствæ аразы сæрмагонд мадзæлттæ æмæ бæрæг кæны, дохтыртæн разæнгардгæнæг фиддонтæ æмæ мызд куыд раст бафыстой, уый. Дзугкойты Алан куыд фехъусын кодта, афтæмæй фæлладуадзæн рæстæджы чи цыдис, уыцы дохтыртæй цалдæрæн раст нæ бафыстой сæ фиддонтæ. Уыцы информаци куы сбæрæг уа, уæд æй арвитдзысты прокуратурæмæ. Сергей Меняйло куыд бафиппайдта, афтæмæй цæмæй уыцы фарста раст лыггонд æрцæуа, уый тыххæй хъæуы бацагурын фæллойадон инспекцийы æххуыс. Цæмæй медицинон кусджытæн фиддонтæ фылдæр бæрцæй бафидой, уый тыххæй спайда кодтой федералон фæрæзтæй. Æмæ кæд афойнадыл сæ нысаныл нæ сæмбæлдысты, уæд хъуамæ документы фæбæрæг кæной къуылымпыдзинады аххос. Финансон цæстдарды разамонæг зæрдæ бавæрдта, фарста лыггонд кæй цæуы æмæ медицинон кусджытæн компенсацитæ кæй бафиддзысты, уымæй.
