Куыстуат арæзт æрцæудзæн, Алагиры районы, цы продукци дзы уаддзысты, уымæн та уæрæсейаг базарады æмбал нæй
РЦИ-А Сæргълæууæг Сергей Меняйлойæн кусæг фембæлд уыди медицинон компани «ПМК-МЕДЭК»-ы бындурæвæрæг Юрий Протасовимæ æмæ «Фарматек»-ы генералон директор Ваган Арушанянимæ. Æрныхас кодтой инвестицион проект царды рауадзыныл. Бæлвырддæр та – уæлдæр технологон фармацевтон заводы арæзтадыл. Куыстуат арæзт æрцæудзæн, Алагиры районы, цы продукци дзы уаддзысты, уымæн та уæрæсейаг базарады æмбал нæй. Куыд фæнысан кодтой, афтæмæй инвестицион советы хæстæгдæр æмбырды хъуамæ снысан кæной объектæн бынат. Инвестортæ куыд зæгъынц, афтæмæй продукцийæн райсын хъæуы регистрацийы æвдисæндар. Сергей Меняйло фидарæй загъта, стыр инвестицион проект царды рауадзынæн республикæ цæттæ у алывæрсыг æххуыс бакæнынмæ. Цæгат Ирыстоны Сæргълæууæджы ныхæстæм гæсгæ, фармацевтон куыстуаты арæзтад æххуыс уыдзæни регионы инвестицион имидж фæхуыздæр кæнынæн.
