Æмбырд амыдта Уæрæсейы хицауады сæрдары хæдивæг Александр Новак
Цæгат Ирыстоны сæргълæууæг Сергей Меняйло видеоконференцийы хуызы архайдта, 2026-æм азы Кавказы инвестицион форуммæ цæттæ кæныны организацион комитеты фыццаг æмбырды. Æмбырд амыдта Уæрæсейы хицауады сæрдары хæдивæг Александр Новак. Уый бæрны ис Цæгат Кавказы федералон зылд. Кавказы инвестицион форум арæзт цæуы, Цæгат Кавказы федералон зылды инвестицион хъомыс фылдæр кæныны æмæ социалон-экономикон рæзты нысанимæ. Александр Новак аргъ скодта ацы азы форумæн, æмæ загъта æртæ бонмæ форум бабæрæг кодтой 4100 адæймаджы 32 бæстæйæ. Се хсæн 1450 адæймаджы уыдысты уæрæсейаг æмæ фæсарæйнаг бизнесы минæвæрттæ, федералон министртæ, нæ бæстæйы субъектты разамонджытæ. Бафыстой æмгуыстады 86 бадзырды 206 миллиард сомæн. Форумы уыди 78 мадзалы. Уæлдай æргом азæдхтой фæсивæдмæ. Уый та дзурæг у ууыл, æмæ Кавказы кæй ис тыхджын кадртæ. Абон та цæттæ кæнæм 2026-æм азы инвестицион форуммæ, цæмæй уа ноджы хъомысджындæр, – загъта Александр Новак. Амалхъом программæйы архайдзысты паддзахадон хицаудзинады оргæнты разамонджытæ, уæрæсейаг æмæ æппæтадæмон компаниты, фæсивæдон æмæ наукон æхсæнадты минæвæрттæ. Зæгъдзыстæм ма уый дæр, æмæ Кавказы инвестицион форум арæзт æрцæудзæн 2026-æм азы 17 майæ 19-æм майы онг Минводы.
