филиал вгтрк государственная телерадиовещательная компания “Алания”

Республикæйы Сæргълæууæг Сергей Меняйло архайдта Æппæтуæрæсеон акци «Бæллицты заз бæлас»-ы. Арæзт цæуы Уæрæсейы æппæт регионты 2018-æм азæй фæстæмæ. Хорз традицимæ гæсгæ, Ног азы бæрæгбоны агъоммæ æххæст кæнынц сывæллæтты ахсджиагдæр бæллицтæ. Уæлдай æхсызгондæр та у, тынгдæр аудын æмæ æххуыс кæнын кæмæн хъæуы, ахæм сабиты фæндтæ кæй сæххæст вæййынц, уый.

Уæвгæ «Бæллицты заз бæлас» хуымæтæджы акци нæу. У сывæллæтты ахсджиагдæр бæллицтæн æвдисæн. Сергей Меняйло заз бæласæй райста 3 хъазæны фыстæджытимæ. Афтæмæй сбæрæг ис, кæстæрты кæй хъæуы велосипед, планшет æмæ телефон. Регионы разамонæг зæрдæ бавæрдта, æппæт бæллицтæ дæр кæй сæххæст уыдзысты, уымæй.