Республикæйы разамонæг аныхас кодта фæсивæдимæ æмæ сын загъта йæ ныстуантæ
Сергей Меняйло архайдта Дзæуджыхъæуы дыккæгæм фæсивæдон форум байгом кæныны мадзалы. Республикæйы разамонæг аныхас кодта фæсивæдимæ æмæ сын загъта йæ ныстуантæ. Сергей Меняйло куыд бафиппайдта, афтæмæй нæ регионы æрыгон фæлтæр зынгæ хицæн кæны иннæ регионы фæсивæдæй. Сты æгъдауыл хæцт, нымайынц традицитæ æмæ истори. Уыцы миниуджытæ мах хъуамæ бахъахъхъæнæм — загъта регионы разамонæг. Фæсивæдæн финансон æдасдзинады тыххæй лекци бакасти Цæгат Ирыстоны национ банчы разамонæг Дзиуаты Иринæ. Æнæниз цардыуаг, царды раст фæтк æмæ спорты тыххæй радзырдтой спортсментæ Козаты Марат, Ислам Ибрагимов æмæ Айларты Зауыр. Уæ зæрдыл уын æрлæууын кæндзыстæм – Дзæуджыхъæуы дыккаг фæсивæдон форумы архайынц æхсæзсæдæ адæймаджы онг. Мадзалы сæрмагонд уазæг у Плехановы номыл экономикон университеты минæвар, Мæскуыйы чиныджы хæдзары разамонджытæй иу Константин Дрегер.
