Уæрæсейы Президенты номæй республикæйы разамонæг паддзахадон хæрзиуджытæ радта цалдæр хæстонæн
Цæгат Ирыстоны Сæргълæууæг Сергей Меняйло бабæрæг кодта бархионты отрядтæ «Алания» æмæ «Шторм. Осетия»-йы æфсæддонты Запорожьейы облæсты. Уæрæсейы Президенты номæй республикæйы разамонæг паддзахадон хæрзиуджытæ радта цалдæр хæстонæн. Ракодта сын арфæтæ, æмæ загъта: «Сымах стут Фыдыбæстæ æцæг хъахъхъæнджытæ. Ахæм кадджын хæрзиуæг райсын æнцон хъуыддаг нæу. Не ппæт дæр уæ стæм сæрбæрзонд!» Уæрæсейы Президенты Уынаффæмæ гæсгæ, се фсæддон хæс æххæст кæнгæйæ, хъæбатырдзинад æмæ лæгдзинад кæй равдыстой, уый тыххæй Лæгдзинады Орденæй хорзæхгонд æрцыд отряд «Шторм. Осетия»-йы командæгæнæг Цгъойты Игорь, (йæ фæсномыг Король). Цалдæр хæстоны та систы майдантæ «За отвагу»-йы аккаг.
