Цæгат Ирыстонæй мобилизацийы хыгъды чи ис, уыдонæй алчидæр уыцы иу хатт райсдзысты фæйнæ 30 мин сомы социалон фиддонтæ
Сергей Меняйло бафыста, мобилизацийы чи архайы, уыцы æфсæддонтæн æмæ сæ бинонтæн уæлæмхасæн социалон æххуысы тыххæй уынаффæ. Цæгат Ирыстонæй мобилизацийы хыгъды чи ис, уыдонæй алчидæр уыцы иу хатт райсдзысты фæйнæ 30 мин сомы социалон фиддонтæ. Ууыл ныхас цыди аппаратон æмбырды. Фæллойы æмæ социалон рæзты министрад сæмбырд кодта 6 сæдæ курдиатæй фылдæр. Уымæй уæлдай, Сергей Меняйло министрадæн бахæс кодта, мобилизацийы архайæг фæсивæдæн,стæй чи фæмарди, уыдонæн социалон паспорттæ бацæттæ кæнын. Хъуамæ дзы бæстонæй фыст уа, æппæт информаци дæр, хæстонты тыххæй дæр, стæй сæ бинонты тыххæй дæр. Уыдонмæ гæсгæ сын лæвæрд цæудзæн материалон æххуыс.
Уымæй уæлдай, æмбырды æрныхас кодтой, коронавирусæй рынчын адæмы нымæц къаддæр кæй кæны, ууыл. Ивгъуыд къуыриимæ абаргæйæ, рынчынтæ сты 34%къаддæр. Хицæнæй æрдзырдтой хъармгæнæн сезоны райдианыл. Цæрæнуæтты-коммуналон хæдзарады, артаг æмæ энегетикæйы министрады куыд загътой, афтæмæй райдыдта æппæт республикæйы.
