Аппаратон æмбырды ма æрдзырдтой цæрæнуæтты-коммуналон хæдзарады системæйы куыст фæхуыздæр кæныныл
Сергей Меняйло Дзанайты Барис æмæ Тускъаты Таймуразæн бахæс кодта, прокуратурæимæ иумæ бакусын зæххы хæйттæ дæттыны хъуыддаджы районтæн сæ бартæ фæкъаддæр кæныны мадзæлттыл. Ацы фарста аппаратон æмбырды боны фæткмæ хаст æрцыди, Æрæфы районы Задæлескы бынæттон администрацийы сæргълæууæг йæ куысты бартæй æгæр кæй спайда кодта, уый тыххæй. Республикæйы Сæргълæууæг мидхъуыддæгты министрадæй бадомдта, уавæрмæ карз цæстдарын, куыд загъта, афтæмæй ахæм цаутæ хыгъд æрцыдысты иннæ районты дæр. Æмбырды ныхас цыди æндæр фарстатыл дæр. Æнæниздзинадхъахъхъæнынады министр Тебиаты Сослан куыд загъта, афтæмæй Æрыдоны æмæ Мæздæджы февралы байгом уыдзысты гемодиализы хайæдтæ. Сергей Меняйло фехъусын кодта республикæйы клиникон рынчындоны бындурыл дæр гемодиализы хайæдтæ байгом кæнынæн фыццаградон хæстæ. Уæ зæрдыл уын æй лæууын кæнæм, ныртæккæ Дзæуджыхъæуы диализы центр кусы паддзахадон æмæ амалхъом адæмы хсæн бадзырды фæлгæты. Аппаратон æмбырды ма æрдзырдтой цæрæнуæтты-коммуналон хæдзарады системæйы куыст фæхуыздæр кæныныл. Февралы кæронмæ бирæуæладзыгон хæдзæртты æвæрд æрцæудзæн 44 лифты. 210 ма хъæуы баивын. 2023-æм азы хъуамæ аивгонд æрцæуой 41 æхсæнадон территорийы, уыдонæй 18 сты Дзæуджыхъæуы.
