Партион билет республикæйы Сæргълæууæгæн радта Дмитрий Медведев
Сергей Меняйло баххæст кодта парти «Иугонд Уæрæсе»-йы рæнхъытæ. Партион билет республикæйы Сæргълæууæгæн радта Дмитрий Медведев. Регионы разамонæгæн йæ зæрдæ загъта йæ куысты æмæ адæмы царды уавæртæ хуыздæр кæныны хъуыддаджы æнтыстдзинæдтæ. «Ныртæккæйы рæстæгæн ис йæхи домæнтæ, æмæ хъæуы Уæрæсейы президенты фарсмæ æрлæууын. Паддзахады сæргълæууæджы хъæуы нæ иумæйаг фарсхæцт, нæ бæстæйы та хъæуынц ног хъæппæристæ æмæ субъектты æмархайд. Алчидæр йæхи æмвæзады – федералон, регионалон æмæ муниципалон хъуамæ агура ног гæнæнтæ, цæмæй экономикон рæзтыл куыст цæуа. Уый тыххæй та хъæуы партийы æппæт механизмтæй пайда кæнын. Партион проекттæ æмæ хъæппæристæ царды уадзынæн æххуыс цæуы федералон æмвæзадыл. Æнгом æмархайд фадат ратдзæн республикæйы рæзтæн дæр, æмæ хуыздæрырдæм фæбæрæг уыдзæн Цæгат Ирыстоны цæрджыты уавæрыл. Регионты рæзтæй та аразгæ у нæ бæстæйы социалон-экономикон рæзт».
