Республикæйы сæргълæууæджы хæстæ рæстæгмæ æххæстгæнæг куыд бафиппайдта, афтæмæй хицауад æмæ дины разамындæн ис иумæйаг хæстæ — адæмы хæрзæбоныл архайын
Цæгат Ирыстоны рагæй дæр цæрынц алы дины минæвæрттæ æмæ уый тыххæй архайын хъæуы, цæмæй конфесситы хсæн фидар кæной сабыр æмæ хæлар ахастдзинæдтæ. Ахæм хъуыды Сергей Меняйло загъта Дзæуджыхъæуы æмæ Аланийы Алчыр Леонидимæ фембæлды. Республикæйы сæргълæууæджы хæстæ рæстæгмæ æххæстгæнæг куыд бафиппайдта, афтæмæй хицауад æмæ дины разамындæн ис иумæйаг хæстæ — адæмы хæрзæбоныл архайын. Уыимæ загъта, фидæны кæй нысан кæны иннæ конфесситы разамонджытимæ фембæлын. Сергей Меняйло æмæ архиепископ Леонид дзырдтой Аланийыл саргъауыны 1100 азы кадæн мадзæлттæм куыд цæттæ кæнынц, ууыл дæр. Сергей Меняйло куыд загъта, афтæмæй республикæйы хицауад бацархайдзæн, цæмæй мадзал ацæуа бæрзонд æмвæзадыл.
