Бизнесмен куыд загъта, афтæмæй йæ фæнды нæ республикæйы байгом кæнын йæ компаниты дæлхайæдтæ
Сергей Меняйло фембæлд амалхъом адæймаг, инвестор, акционерон æхсæнад «Дальтехгазы» разамонæг Дзиуаты Алыксандримæ. Компани ис Хабаровскы æмæ аразы медицинон туаггуыр. Бизнесмен куыд загъта, афтæмæй йæ фæнды нæ республикæйы байгом кæнын йæ компаниты дæлхайæдтæ. Куыстуат архайдзæн европæйаг технологитæм гæсгæ, сæйраг компанийы фæлтæрддзинадыл æнцой кæнгæйæ. Дзиуаты Алыксандр куыд загъта афтæмæй ног заводы хъомыс фадат ратдзæн республикæйы медицинон куыстуæттæ туаггуырæй баххæст кæнынмæ. Проект царды рауадзынмæ бахъæудзæн 4-6 мæйы. Йæ фæрцы куысты бынæттæ фæзындзæн сæдæ адæймагæн. Сергей Меняйло сразы ис Дзиуаты Алыксандры фæндонимæ. Тагъд рæстæг республикæйы разамонæгæн равдисдзысты ног куыстуат саразыны пълан.
