Стыр æргом аздæхтой промышленносты рæзтмæ
Цæгат Ирыстоны сæргълæууæджы хæстæ рæстæгмæ æххæстгæнæг Сергей Меняйло кусæг фембæлд сарæзта компаниты къорд «ЭЛСИ» саразджытæй иу Николай Агаркинимæ, æнæххæстбарджын æхсæнад «КРАФТБАУ ИНВЕСТ»-ы генералон директор Эдуард Ирицянимæ æмæ территориты комплексон рæзты эксперттимæ, инвестортæ Иван Богатов æмæ Андрей Мусатовимæ. Бæстон ныхасы ма архайдтой Дзæуджыхъæуы администрацийы сæргълæууæг Милдзыхты Вячеслав стæй арæзтады æмæ архитектурæйы министры хæстæ æххæстгæнæг Моргуаты Константин. Стыр æргом аздæхтой промышленносты рæзтмæ. Уæлдайдæр та арæзтадон æрмæджытæ æмæ конструкцитæ аразыны хъуыддаджы. Фембæлды архайджытæ æрныхас кодтой цæрæнуæтты арæзтады проекттыл, стæй нæ республикæйы территориты комплексон рæзты проекттæ царды уадзыныл. Сергей Меняйло куыд загъта, афтæмæй Цæгат Ирыстон хъæздыг у хæрзхъæд æрмæгæй, кæдæ æмæ республикæйы цæттæ арæзтадон æрмæджытæ нæй, уæддæр. Уымæй дарддæр республикæйы разамонæджы хъуыдымæ гæсгæ цæттæ стæм ацы къабазы проекттæм æркæсынмæ.
