Республикæйы разамонæг раарфæ кодта кадджын уазджытæн, æмæ загъта Цæгат Ирыстоны æмæ Ираны хсæн бирæ бастдзинæдтæ кæй ис, уый
Куыд ма хъусын кодтам, афтæмæй Цæгат Ирыстоны кусæг балцы уыд Ираны республикæйы æххæстбарджын минæвар Уæрæсейы Казем Джалали. Ираны делегациимæ фембæлд республикæйы Сæргълæууæг Сергей Меняйло. Мадзалы ма архайдтой Хицауады Сæрдар Дзанайты Барис, вице-премьер Томайты Ирбег, национ политикæйы æмæ æддагон бастдзинæдты министр Бæгъиаты Алан æмæ нæ бæстæйы фæсарæйнаг хъуыддæгты министрады территориалон оргæны разамонæг Хетæгкаты Алан. Республикæйы разамонæг раарфæ кодта кадджын уазджытæн, æмæ загъта Цæгат Ирыстоны æмæ Ираны хсæн бирæ бастдзинæдтæ кæй ис, уый. Иу нæ кæнынц историон, культурон, æмæ æвзагзонынады бастдзинæдтæ. Уыимæ уыдысты ивгъуыды æмæ ныртæккæйы царды дæр. Ахæм куыст хъæуы дарддæр æххæст кæнын, цæмæй фидæны не мгуыстад кæна фидардæр æмæ парахатдæр, загъта Сергей Меняйло. Фæсарæйнаг делегацийы минæвæрттæ дæр загътой бузныджы ныхæстæ, æмæ бафиппайдтой дыууæвæрсыг ахастдзинæдтæн стыр ахадындзинад кæй ис. Уымæ гæсгæ ахсджиаг у экономикон, историон æмæ культурон бастдзинæдты рæзтыл кусын. Казем Джалали Сергей Меняйлойæн бахастой фæндон, кусæг къорд саразыны тыххæй. Дыууæ республикæйы минæвæрттæ дзы архайдзысты фæндаггон картæ аразыныл, æмæ æндæр ахсджиаг хъуыддæгтæ парахат кæныныл.
