Республикæйы æмæ хицауады пресс-службæ куыд хъусын кæны, афтæмæй сæйраг темæ уыди æддагон политикон уавæр
Сергей Меняйло фембæлд республикæйы фæсивæдон æхсæнадон организациты минæвæрттимæ. Республикæйы æмæ хицауады пресс-службæ куыд хъусын кæны, афтæмæй сæйраг темæ уыди æддагон политикон уавæр. Цæгат Ирыстоны разамонæг куыд загъта, афтæмæй Уæрæсе Украинæйы ныхмæ нæу, фæлæ комкоммæ нацизм æмæ фашизмы ныхмæ. Сергей Меняйло фæсивæды ргом раздæхта, социалон хызты мæнг информаци парахатгонд кæй цæуы, уымæ. Алчидæр хъуамæ æууæнда æрмæстдæр бæрæггонд информацийыл, сæвзæрд уавæрмæ бæрнон цæстæй кæса, æмæ политикон процесстæ раст æмбара. Республикæйы Сæргълæууæг æхсæнадон иугондты разамонджытæм фæсидт, цæмæй фæсивæдон организацитимæ куыст фæкарздæр кæной.
