Субъекты разамонæг раарфæ кодта, æппæт æвзарæн къæпхæнтæ чи ацыд, уыцы финалисттæн, æмæ сын загъта, разæй сæм æнхъæлмæ кæй кæсы ахуырадон программæ
Цæгат Ирыстоны Сæргълæууæг Сергей Меняйло фембæлд республикон проект «Ирыстоны Намыс»-ы архайджытимæ. Субъекты разамонæг раарфæ кодта, æппæт æвзарæн къæпхæнтæ чи ацыд, уыцы финалисттæн, æмæ сын загъта, разæй сæм æнхъæлмæ кæй кæсы ахуырадон программæ. Бакуыстой йыл Уæрæсейы Президенты раз адæмон хæдзарады æмæ паддзахадон службæйы академийы разамынды Уæлдæр скъолайы. Ахуырады фыццаг модуль райдайдзæн августы. Уыдоны фæстæ, проекты архайджытæн фадат уыдзæн сæхи æххæстгæнæн хицаудзинады оргæнты, муниципалон хицауады æмæ æхсæнадон организациты куысты бафæлварынæн.
Уымæй дарддæр, «Ирыстоны Намыс»-ы проекты архайджытæн равзардзысты фæлтæрдджын разамонджыты. Се хсæн уыдзысты: Хицауады Сæрдары хæдивджытæ, министртæ æмæ сæ хæдивджытæ, районты сæргълæуджытæ. Æдæппæтæй программæйы хыгъды сæхи бафыстой 385 адæймаджы. Уыдонæй æвзарæн къæпхæнтæ ацыдысты 157 архайæджы. Æхсæнадон советы хъæлæс кæныны фæстæ хаст æрцыд уынаффæ, 32 адæймаджы фыццаг модулы кæй архайдзысты, уый.
Кандидаттæ взаргæйæ, уæлдай æргом здæхт цыди хæстон æнтыстдзинæдтæм, разамонæджы миниуджытæм, æмæ адæймаджы хъомысмæ. Уымæй дарддæр ма алкæмæдæр æркастысты эксперттæ. Æппæт финалисттæ стажировкæ кæндзысты паддзахадон хицаудзинады оргæнты. Уæ зæрдыл уын æрлæууын кæндзыстæм, ахуырадон программæйы нысан у – сæрмагонд æфсæддон операцийы архайджыты разамонæджы хъомыс раргом кæнын. Проект саразæг у, республикæйы Сæргълæууæджы æмæ Хицауады Администраци.
