Æрныхас кодтой Цæгат Ирыстоны комплексон цифровизациийыл æмæ сбæрæг кодтой дарддæры æмгуыстады фыццаградон нысантæ
Цæгат Ирыстоны Сæргълæууæг Сергей Меняйло фембæлд «Ростелеком»-ы менеджертимæ, нымæцон регионты вице-президент Михаил Петровимæ, æмæ Уæрæсейы хуссар хайы вице-президент Сергей Мордасовимæ. Æрныхас кодтой Цæгат Ирыстоны комплексон цифровизациийыл æмæ сбæрæг кодтой дарддæры æмгуыстады фыццаградон нысантæ. Уæлдай æргом аздæхтой сæрмагонд центр саразынмæ. Уый хъуамæ нывыл кæна, регионы цардархайдыл чи кусы, уыцы службæты æмæ ведомсвтвоты æмархайд. Фембæлды архайджытæ ма æрдзырдтой иумæйаг проекттыл. Сæ иу – Дзæуджыхъæуы уынгты рухс. Интеллектуалон системæйы фæрцы, электрон тыхы хæрдзтæ фæкъаддæр сты 75% онг. Уымæй дарддæр 15 мин рухсгæнæны баивтой нырыккон лампæтæй. Уый руаджы фæндæгтыл фæкъаддæр сты аварион уавæртæ. Æппæт проекттæ дæр арæзт сты адæмы царды хæрзхъæддзинад фæхуыздæр кæнынмæ, æмæ фæбæрæг сты экономкион ахадындзинадыл.
