Регионы разамонæг сын ракодта тæфæрфæс, æмæ сын радта паддзахадон хæрзиуджытæ
Цæгат Ирыстоны Сæргълæууæг Сергей Меняйло фембæлд, сæрмагонд æфсæддон операцийы зонæйы чи фæмард, уыцы æдзард хæстонты бинонтимæ. Регионы разамонæг сын ракодта тæфæрфæс, æмæ сын радта паддзахадон хæрзиуджытæ. Уыдоны аккаг хъæбатыр æфсæддонтæ систы сæ амæлæты фæстæ. Уæрæсейы Президенты Указмæ гæсгæ сæрмагонд æфсæддон операцийы архайджытæ равдыстой лæгдзинад æмæ хъæбатырдзинад, Фыдыбæстæ хъахъхъæнгæйæ. Уымæ гæсгæ сæ амæлæты фæстæ хорзæхджынгонд æрцыдысты Лæгдзинады Ордентæй. Номарæн мадзалы архайдтой фæллойы æмæ социалон рæзты министры хæдивæг Маматы Анджелæ, республикæйы æфсæддон комиссар Владимир Скоморох, стæй сæрмагонд æфсæддон операцийы архайджытæн паддзахадон æххуысы Фонды республикон филиалы директор Хетæгкаты Маринæ.
