Кад кодта, 2023-æм азы республикæйы Сæргълæууæджы преми райсыныл чи архайдта, наукæйы æмæ техникæйы къабазы, уыцы фæсивæдæн
Цæгат Ирыстоны Сæргълæууæг Сергей Меняйло фембæлд скъолаты ахуырдзаутимæ, æрыгон ахуыргæндтимæ æмæ специалисттимæ. Кад кодта, 2023-æм азы республикæйы Сæргълæууæджы преми райсыныл чи архайдта, наукæйы æмæ техникæйы къабазы, уыцы фæсивæдæн. Лауреаттимæ ныхас кæнгæйæ, Сергей Меняйло раарфæ кодта æрыгон ахуыргæндтæн, ахæм зæрдæргъæвд кæй сты, уый тыххæй. Æхсызгон у, ахуыргæндты фæлтæртæ кæй ивынц фæсивæдæй, уый. Уыд ахæм рæстæджытæ, æмæ æрыгæттæ наукæмæ се ргом уæлдай нал здæхтой, фæлæ ныр уавæр аивта. Абон наукæ размæ кæны ахадгæ къахдзæфтæ, стæй дзы ис æрыгон кадртæ дæр. Уыдонæй та аразгæ у нæ республикæйы æмæ нæ бæстæйы технологон фидæн. Æрыгон ахуыргæндты къухы уыдзæн егъау Уæрæсейы экономикон рæзт æмæ хъомыс. Мæ зæрдæ уын зæгъы стыр æнтыстдзинæдтæ, – загъта республикæйы разамонæг.
