Æрныхас кодтой æмгуыстады фарстатыл æмæ базарадон-экономикон ахастдзинæдтыл, Цæгат Ирыстоны инвестицион хъомысыл, амалхъом климат хуыздæр кæныныл, экспорты продукци парахат кæныныл
Сергей Меняйло фембæлд Уæрæсейы базарады минæвæрттимæ Абхазы, Сомихы, Турчы æмæ Мароккойы. Æрныхас кодтой æмгуыстады фарстатыл æмæ базарадон-экономикон ахастдзинæдтыл, Цæгат Ирыстоны инвестицион хъомысыл, амалхъом климат хуыздæр кæныныл, экспорты продукци парахат кæныныл. Цæгат Ирыстоны Сæргълæууæг куыд загъта, афтæмæй нæ бæстæйы æппæтадæмон æмæ æддагон архайд цæуы ахадгæдæр. Афтæмæй арæзт цæуы ахастдзинæдты ног æмвæзад. Санкциты рæстæг паддзахадон æххуыс у тынг ахсджиаг, нæ бæстæйы экономикæйы рæзтæн. Уымæй дарддæр базарадон минæвæрттæ центр «Мой бизнесы» фембæлдысты экспортыл кусæг Цæгат Ирыстоны куыстуæтты специалисттимæ. Æддагон базарад, экономикæйы фидæн, республикæйы экспортон хъомыс, амалхъом адæмæн æххуыс. Мадзалы архайджытæ æрныхас кодтой бирæ ахсджиаг фарстатыл. Ахæм фембæлдтытæ тынг ахадгæ сты регионы рæзтæн, – загътой йæ саразджытæ.
