Трагедийы рæстæг науы уыдысты цæгатирыстойнаг денджызонтæ
Цæгат Ирыстоны сæргълæууæг Сергей Меняйло Лæгдзинады ордентæ радта, 1955-æм азы чи фæдæлдон, уыцы нау «Новороссийскы» экипажы æдзард уæнгты хæстæджытæн. Трагедийы рæстæг науы уыдысты цæгатирыстойнаг денджызонтæ. Уæрæсейы Президенты Указмæ гæсгæ, 1999-æм азы лæгдзинады æмæ хъæбатырдзинады тыххæй Лæгдзинады ордентæй схорзæхджын кодтой 716 адæймаджы. 613 адæймаджы – сæ амæлæты фæстæ. Хæрзиуджытæ дарддæр лæвæрд цæуынц æдзард æфсæддонты хæстæджытæн, нæ бæстæйы æмæ дунейы алы рæтты. Сергей Меняйло матрос Бирæгъты Тимуры майдан радта йæ фæдон Бирæгъты Валерийæн. Матрос Чихтисты Сахъманы орден та радта хъæбатыры хо Къаболаты-Чихтисты Марусяйæн. Рацыд дæсгай азтæ, фæлæ хъæбатырты намыс рох нæу. Ахсджиаг у алы хæрзиуæг дæр фæхæццæ кæнын, – загъта Сергей Меняйло.
