Не мзæххон хæстонтæн сæ амæлæты фæстæ паддзахадон хæрзиуджытæ саккаг кодтой УФ-йы Президенты указмæ гæсгæ
Республикæйы Сæргълæууæг Сергей Меняйло лæгдзинады ордентæ радта, сæрмагонд æфсæддон операцийы архайджытæй чи фæмард, уыдоны бинонтæн. Не мзæххон хæстонтæн сæ амæлæты фæстæ паддзахадон хæрзиуджытæ саккаг кодтой УФ-йы Президенты указмæ гæсгæ. Республикæйы разамонæг тæфæрфæс ракодта æрбацæуджытæн, æмæ загъта: нæ хъæбатырты нæмттæ Уæрæсейы æмæ Цæгат Ирыстоны историйы кæй баззайдзысты, уый. Сергей Меняйло зæрдæ бавæрдта, хъæбатырты бинонтæн республикæ алывæрсыг æххуыс кæй кæндзæн, уымæй. Хæрзиуджытæ радтыны мадзалы архайдтой фæллойы æмæ социалон рæзты министр Абайты Юрий, сæрмагонд æфсæддон операцийы архайджытæн æххуысы паддзахадон фонд «Фыдыбæстæ хъахъхъæнджыты» филиалы разамонæг Хетæгкаты Маринæ æмæ Цæгат Ирыстоны æфсæддон комиссары хæдивæг Джиоты Алан.
