Радта сын сæ сæ бинонтæн
РЦИ-А Сæргълæууæг Сергей Меняйло лæгдзинады ордентæй сæ амæлæты фæстæ схорзæхджын кодта сæрмагонд æфсæддон операцийы архайджыты. Радта сын сæ сæ бинонтæн. Сергей Меняйло се ппæт æрбацæуджытæн дæр ракодта тæфæрфæс. Куыд загъта, афтæмæй нæ хъæбатырты нæмттæ сызгъæрин дамгъæтæй фыст æрцæудзысты Уæрæсейы æмæ Цæгат Ирыстоны историйы. Не мзæххон æфсæддонтæ сты нæ бæстæйы æцæг патриоттæ. Стыр хъæбатырдзинад равдыстой Райгуырæн бæстæйы сæраппонд, йæ сæрибардзинад æмæ йæ хæдбардзинад хъахъхъæнгæйæ. Сæргълæууæг æрбацæуджытæн фидарæй загъта, сæ фарсмæ кæй лæудзысты æмæ сын алыврсыг æххуыс кæй кæндзысты, уый. Хæрзиуджытæ дæттыны мадзалы архайдтой республикæйы æфсæддон комиссар Владимир Скоморох, фæллойы æмæ социалон рæзты министры хæстæ æххæстгæнæг Маматы Анджелæ, сæрмагонд æфсæддон операцийы архайджыты паддзахадон фонды республикон филиалы разамонæг Хетæгкаты Маринæ.
