Уæрæсейы Федерацийы Президенты Указмæ гæсгæ, сæрмагонд æфсæддон операцийы рæстæг не мзæххонтæ лæгдзинад, хъæбатырдзинад æмæ ныфс кæй равдыстой, уый тыххæй сæ сæ амæлæты фæстæ схорзæхджын кодтой Лæгдзинады ордентæй
Цæгат Ирыстоны Сæргълæууæг Сергей Меняйло паддзахадон хæрзиуджытæ радта, йе фсæддон хæс æххæст кæнгæйæ чи фæмард, уыцы хæстонты бинонтæн. Уæрæсейы Федерацийы Президенты Указмæ гæсгæ, сæрмагонд æфсæддон операцийы рæстæг не мзæххонтæ лæгдзинад, хъæбатырдзинад æмæ ныфс кæй равдыстой, уый тыххæй сæ сæ амæлæты фæстæ схорзæхджын кодтой Лæгдзинады ордентæй. Сергей Меняйло лæпутты бинонтæн ракодта тæфæрфæс, æмæ сын загъта бузынг, æцæг хъæбатырты кæй схъомыл кодтой, уый тыххæй. Уымæй дарддæр ма бафтыдта, дарддæр дæр сын алывæрсыг æххуыс кæй кæндзысты, уый. Мадзалы ма архайдтой фæллойы æмæ социалон рæзты министры хæстæ рæстæгмæ æххæстгæнæг Маматы Анджелæ, «Фыдыбæстæ хъахъхъæнджыты» паддазхадон фонды республикон филиалы разамонæг Хетæгкаты Маринæ, стæй æфсæддон комиссары хæдивæг Джиоты Алан.
