УФ-йы Президенты указмæ гæсгæ, се фсæддон хæс æххæстгæнгæйæ хъæбатырдзинад чи равдыста, уыцы хæстонтæ хорзæхгонд æрцыдысты лæгдзинады ордентæй, сæ амæлæты фæстæ
РЦИ-А Сæргълæууæг Сергей Меняйло паддзахадон хæрзиуджытæ радта, сæрмагонд æфсæддон операцийы зонæйы йæ хæс æххæстгæнгæйæ чи фæмарди, уыцы хæстонты бинонтæн. УФ-йы Президенты указмæ гæсгæ, се фсæддон хæс æххæстгæнгæйæ хъæбатырдзинад чи равдыста, уыцы хæстонтæ хорзæхгонд æрцыдысты лæгдзинады ордентæй, сæ амæлæты фæстæ. Цæгат Ирыстоны разамонæг хъæбатырты хиуæттæн загъта бузныг, зæрдæ бавæрдта, республикæ сын алывæрсыг æххуыс кæй кæндзæни, уымæй. Хæрзиуджытæ дæттыны мадзалы архайдтой сæрмагонд æфсæддон операцийы архайджытæн æххуысы паддзахадон Фонд «Фыдыбæстæ хъахъхъæнджыты» республикон филиалы директор Хетæгкаты Маринæ æмæ республикæйы æфсæддон комиссары хæдивæг Джиоты Алан.
