Хуыцаубоны базарадон центр «Алые паруса»-йы зынгсирвæзты рæстæг бæстыхайæ ракодтой 65 адæймаджы
Сергей Меняйло прокуратурæйæн бабар кодта, æнæнхъæлæджы уавæрты министрады бадомын зынгсирвæзтыты æдасдзинады системæтæ бæлвырд кæныны акттæ. Хуыцаубоны базарадон центр «Алые паруса»-йы зынгсирвæзты рæстæг бæстыхайæ ракодтой 65 адæймаджы. Уæ зæрдыл уын лæууын кæнæм, радгæсы пультмæ зынгсирвæзты тыххæй хъусынгæнинаг уыд 21 сахаты æмæ 26 минутыл. Æнæнхъæлæджы уавæрты министрады кусджытæ бынатмæ куы æрбацыдысты, уæд сыгъд дыккаг уæладзыг æмæ бæстыхайы сæр. Арт хуыссын кæныны хъуыддаджы архайдта 100 адæймаджы æмæ техникæйы 26 иуæджы. Фæстаг бæрæггæнæнтæм гæсгæ, хъыгдард ничи баййæфта. Зынгсирвæзты аххосаг бæрæггонд цæуы. Сергей Меняйло загъта, Дзæуджыхъæуы цыбыр рæстæгмæ бирæ адæм кæм ис, ахæм базарады объектты зынгсирвæзт дыккаг хатт кæй æрцыд. Ахсджиаг у, æртыккаг ахæм цау ма *руадзын. Бадомдта, прокуратурæимæ иумæйаг бæлвырдгæнæн мадзæлттæ саразын.
Ныхас ма цыд ковиды уавæрыл дæр. Фæлхасадмæ цæстдарды управленийы разамонæг Тыбылты Алан радзырдта, ивгъуыд къуырийы бæрæггæнæнтæм гæсгæ, рынчынты нымæц 44 проценты кæй фæкъаддæр, рынчындæтты кæй схуыссын кодтой, уыдоны нымæц та 14 проценты, ничи амард. Уыимæ республикон клиникон рынчындоны туаггыры станцæ эксплуатацимæ цæттæ уыдзæн къуырийы фæстæ, иннæ 3 станцæйы скусынæн та ма хъæуы 3 къуырийы, загътой æнæниздзинадхъахъхъæнынады министрады. Сергей Меняйло ма экономикæйы министрадæн бабар кодта, транспорты комитетимæ æмæ таможняимæ бакусын, уæзласæн транспортæн рæстæгмæ æрлæууæнтæ самал кæныны фарстайыл, цалынмæ æдзух æрлæууæн кусын нæ райдайа, уæдмæ. Уый фæзындзæн, Дзæуджыхъæуы иувæрсты цæуæг фæндаджы арæзтад æххæстгæнгæйæ æмæ хъуамæ байгом уа 2024-æм азы. Республикæйы сæргълæууæг радта 2 боны, уæзласæн машинæтæн уадзæн пункт «Уæллаг Ларсы»-уылты цæуыны рæстæгмæ схемæ саразынæн. Ныртæккæ куыст цæуы электрон рад скæнынæн проектон-сметон документаци бацæттæ кæныныл.
