филиал вгтрк государственная телерадиовещательная компания “Алания”

Сергей Меняйло раарфæ кодта республикæйы дохтыртæн, пандемияйы рæстæг цы куыст бакодтой, уый тыххæй. Коронавирусы инфекцийы ныхмæ тохмæ цы æвæрæн бахастой, уый тыххæй Уæрæсейы Президенты номæй кады гæххæттытæ лæвæрд æрцыд 23 медицинон кусæгæн. Республикæйы Сæргълæууæджы хæстæ рæстæгмæ æххæстгæнæг бафиппайдта, дохтырты æнæзæрдæхудт фæллой кæй у тынг ахсджиаг, æмæ сæ профессионалон хæс сæххæст кодтой уæлдайджынтæй. Фыццаг хатт сæмбæлдысты, раздæр зонгæ чи нæ уыди, ахæм низимæ. Фæлæ нæ фæцудыдтой, æмæ ма уыимæ, сæхиуыл нæ ауæрдгæйæ, ирвæзын кодтой æмæ кæнынц мингай адæмы цард. Владимир Путины номæй ма арфæйы фыстæджытæ райстой тагъд медицинон æххуысы 2 фелдшеры.