Хæстæгдæр рæстæг Цæгат Ирыстоны хъуамæ банывыл уа цъæх фæлысты, аивдзинады æмæ санитарон куыст
Сергей Меняйло районты сæргълæуджытæй бадомдта, цæмæй зымæджы фæстæ сæ хъæуты æмæ районты центрты уынгтæ æфснайд æрцæуой. Хæстæгдæр рæстæг Цæгат Ирыстоны хъуамæ банывыл уа цъæх фæлысты, аивдзинады æмæ санитарон куыст. Уый хауы хæдзæртты кæртытæм, æхсæнадон территоритæм, парктæм æмæ фæлладуадзæн зонæтæм. Уæлдай æргом республикæйы Сæргълæууæг аздæхта Фыдыбæстæйы Стыр хæсты архайджыты цыртдзæвæнтæм, ингæнтæм æмæ мемориалтæм. Уæдæ Цæгат Ирыстоны бацæтттæ кæнын хъæуы сæрдыгон фæлладуадзæн сезонмæ. Профилон ведомствотæн бабар кодта, сывæллæттæ сæ каникултæ кæм æрвитдзысты, уыцы бынæттæ сбæрæг кæнын. Ам фæбæлвырддæр кæндзыстæм, нæ бæстæйы санаторон-курортон зонæтæн сæ иу хайы ныртæккæ æрбынат кодтой Донецкæй æмæ Луганскæй æрлидзæг адæм.
Æмбырды ма ныхас цыд нæ регионы инвестицион политикæйыл. Ацы бонты Сергей Меняйлойæн уыд цалдæр фембæлды. Уым сыхаг регионты разамонджытимæ баныхас кодтой æмгуыстады фарстатыл. Уыдон сты Краснодары край, Ростовы облæсть æмæ Стъараполы край. Бадзырдмæ гæсгæ хаст æрцыд уынаффæ, хъæууонхæдзарадон куыстуæттимæ æмæ Цæгат Ирыстоны базарады минæвæрттимæ фембæлд саразыны тыххæй. Республикæйы Сæргълæууæг бабар кодта æппæт фарстаты æмæ, регионы цæрджытæ цух цæмæй æййафынц, уыцы бæлвырд хыгъд бацæттæ кæнын.
